TXIMISTA harrespila

5 harrespileko multzoa, beraietatik 4 bata bestearen ondoan daude, eta 5. bakarrik dago 55 m H-ra. Bertako konglomeratu eta hareharriak. 1. Harrespila: HE-ko sektorea soilik geratzen da, ustezko diametroa 4,50 m-koa da; 2. Harrespila : IM-ko sektorea soilik geratzen da, ustezko diametroa 6,20 m-koa da. 1,85 x 1,50 x 1,10 m-ko altuera duen bloke bat topatzen da bere barnean; 3. Harrespila: M-ko arkua soilik geratzen da, ustezko diametroa 4,50 m-koa da. Bere barnean bloke lerro bat azaltzen da hormatxo bat osatzen duena, bertako elurzuloarekin zerikusia izan dezakena; 4. Harrespila: : H-ko arkua soilik geratzen da, ustezko diametroa 7 m-koa da; 5. Harrespila : hegoalderuntz azkena, H-ko arkuaren zati bat soilik geratzen da, ustezko diametroa 5 m-koa. Gehienetan, falta diren lekukoak mendeetan zehar desagertu dira lubiziengatik, eta baita ere ondoko elurzuloa eta egitura auxiliarrak egiteko erabili izan direlako.