Ibilbideak

Ibilaldi honek aurrena mendi magala zeharkatzen du ekialderantz altuera pixka bat galduz, Otxortetako lepoaren bila. Ondoren aldapa pikoarekin Goikoganara igotzen da, eta mendi-bizkarreko bidezidorra jarraituz Kamarakako tontorra harrapatzen du, Ermuara beste bide batetik jaitsi aurretik.

Eritze herriaren IEan eratutako mendartea ezagutzeko ibilbidea. Hainbat gainetatik pasatzen da, gora-behera handirik gabe, baina ez da ibilbide erraza, sasi artean edo sasia ahal den neurrian saihestuz bidea bilatu beharra baitago zenbait pasartetan. Izketa eta Lezeadenea arteko tartea izango da seguraski arreta gehien eskatzen duena, baina beste hainbat lekutan ere estu ibili beharra egongo da, eta uda aurreratua badago zer esanik ez. Makila, galtza luzeak eta guraize batzuk lagungarri gerta daitezke.

Ibilbideak mendiaren bizkar guztia zeharkatzen du, ertzari jarraituz. Zailtasun bakarra bizkarrera igotzen den pasartean dago, ez baitago erraz jarraitzeko moduko arrasto nabarmenik. Itzulera hegoaldeko hegia zeharkatzen duen pista zabal eta erosoan barrena egiten du.

Urduñatik bertatik abiatu Txarlazorako bidea hartuz. Antigoako santutegi ondotik gora.
Bidean gora Gartxeta-rako norabidea hartu. Txarlazo-petik H.rantz Fraidebururaino.
Lepotik HE-ra. Errepidea zeharkatu eta Il.BU-46 hartu. Honetatik aurrera ur-jauziraino, E-ra.
Nerbioi erreka zeharkatu eta Untzaga herrirantz jo.
Bagate-lepoan Delika-ra, eta, bertotik Urduña-ra.

Arantzazuko aparkalekutik abiatzen da ibilbidea.