Ibilbideak

Lurraldeak

Ibilbide mota

inaxio-k sortua, 2019, urtarrila 9 - 22:06
Kategoriak Errenteria, Hernani
ABIAPUNTUA Liztorretako errepidea
Eskema Pilotasoro - Landarbaso erreka - Igoringo lepoa - Igorin - Bidegurutzeta - Aizpitarteko leizeak - Barrako lohia - Listorreta - Pilotasoro.

Ibilbidea funtsean SL-Gi 1003 ibilbidea da, Igoringo igoera erantsita (ibilbide ofizialak ez du igoera burutzen). Zailtasun handiena Landabaso errekatik gorako hegian dago, hasieran, zorua oso labankorra baita tarte batean, bustita badago (eta askotan egongo bustita, leku mospela baita). Igoringo lepotik tontorrerako tartea harripilekin markatuta dago, basoan barrena. Aldapa gogortzen doa tontorrera gerturatu ahala, baina ez du aparteko zailtasunik.

inaxio-k sortua, 2019, urtarrila 6 - 21:45
Kategoriak Hernani
ABIAPUNTUA Epela (Hernani)
Eskema Epela - Igoingo lepoa - Arritxieta - Akolatxara - Akolagain - Akola - Bidegurutzeta - Epela.

PR-1002 ibilbide laburra jarraitzen du arrastoak; marra zuri-horiak jarraitzea aski da ibilbidea osatzeko, nahiko egoki markatuta dago eta ez du aparteko zailtasunik. Hainbat trikuharriren aldamenetik pasatzen da bidea eta merezi du begiratu bat ematea. Ibilbide ederra da bestela ere. Tarterik zakarrena Bidegurutzetako errepidetik Epelara jaisten / igotzen den bidezidorra da eta hori errepideari jarraituz saihestu daiteke.

Jose-k sortua, 2018, abendua 28 - 12:02
Kategoriak Gueñes
ABIAPUNTUA Arbori lepoa
Eskema Arbori lepoa – La Berenilla aterpea – Eretza

Mendi ezaguna da Eretza. Trianoko Mendien artean garaiena izan arren, inguruan badira erraz gainditzen duten tontorrak. Baina asko nabarmentzen da, eta tontorreko malkarrek izaera berezia ematen diote, urrunetik erraz antzematen delarik.

Ibilbide honek PR BI 107aren marka zuri-horiak jarraitzen ditu. Eta bestela ere ez legoke arazorik, bidea oso nabarmena eta garbia baita. Ibilbide laburra da, baina aldapatsu xamarra, Eretzaren alde leunetik igo arren, ekialdeko suebakitik igotzen den bidea are aldapatsuagoa baita.

Jose-k sortua, 2018, abendua 7 - 08:35
Kategoriak Artzentales, Sopuerta, Garape
ABIAPUNTUA Alen
Eskema Alen herrixka – trenbidea – Alen – mehatzeak – trenbidea – Alen herrixka

XIX eta XX. mendeetan zehar bere barrunbeetatik burdina eta kobrea ateratzen zuten meatze ustiapenen lekuko izan zen Alen mendia, Enkarterrietako beste hainbat bazter bezala. Garai hartako zenbait aztarna ikusteko aukera ematen du ibilaldi honek. Abiapuntu eta helmuga duen izen bereko herrixka ere orduan sortu zen, meatzarien bizileku izan zedin.

Jose-k sortua, 2018, urria 28 - 12:11
Kategoriak Gorliz, Lemoiz
ABIAPUNTUA Armintza
Eskema Armintza – Ermua – itsasargia – Azkorriaga – Astondoko hondartza

Armintza eta Gorliz arteko itsasertzeko ibilbidea honek mendizale asko erakartzen ditu. Ibilbide erraza eta atsegina da. GR 123 Bizkaiko Biraren parte izanik, marra zuri-gorriz ondo adierazita dago (2018an).

Interesgune ezberdinak ezagutzeko aukera eskaintzen du. Hala nola, Ermuako tontorra, Billaroko itsasargia, bertan behera utzitako bunkerrak eta kanoi postuak, Azkorriagako gotorlekuaren hondakinak, eta Gorlizeko badiaren zein itsaso zabalaren ikuspegi ederrak.

Jose-k sortua, 2018, urria 26 - 17:02
Kategoriak Dima
ABIAPUNTUA Baltzola
Eskema Baltzola – Garaio – Baltzola kobazula – Abaroko tunela – Baltzola
Xabiaram-k sortua, 2018, urria 23 - 21:58
Kategoriak Gipuzkoa
ABIAPUNTUA San Martin (Amezketa)
Eskema San Martin (300m) - Larrondoa (700m) - Artubi (1263) - Urakorri - Beoin - Aldaon (1409m) - Aintziriko Ordeka - Amezketa erreka - Burutzuzingo meatzeak - Ollarkan - Andreona - San Martin

Ibilbide hau 300 metroko garaieran dagoen Amezketako San Martinetik abiatzen da, lehen kilometroa Altunegi auzoko bidean egiten da, orduan gurutzebidean erdian dagoen senda hartzen da Larrondoa (700m) aldera, hemen gainean trikuharri pare bat ikusi ahalko ditugu bidetik oso hurbil.

Xabiaram-k sortua, 2018, iraila 30 - 21:01
Kategoriak Basaburua, Leitza
ABIAPUNTUA Leitza
Eskema Leitza(465m)-Santakruz(670m)-Ansolitzaundi(1056m)-Kornieta(1080m)-Ireber(1208m)-Itzulera

Ibilbide hau Leitza herriko plazatik bertatik abiatu dut, hemendik herriko hilerriaren ondotik doan aldapan gora Santakruz aldera igoz, hemen baseliza, borda eta abarreko inguru polit bat dago. Senda maldatsua dago aurrerako zati honetan baina ez da luzeegia, eta laister iristen gara goiko pistara, haize-erroten ingurutik doana, bidea pistatik egin beharrean hau gurutzatu eta zelaian zehar doan bideska hartu daiteke. Belardi zabalera heltzen gara, ardi eta behor ugari ikusi daitezkelarik bertan.

ietxaburu-k sortua, 2018, iraila 5 - 17:40
ABIAPUNTUA Conca (Korsika, Portho Vecchio-tik hurbil)
Eskema Conca (Korsiska hego-ekialdean) - Calenzana (Korsika ipar-mendebaldean)

2017 an. lagun batek eta biok, Korsika zeharkatzen duen GR-20 zeharkaldia egitea erabaki genuen. Baina gero berak ezin zuela eta azkenean bakarrik egin nuen. Ekainaren bukaera eta uztailaren hasiera tartean egin nahi nuen, baina etxean ondo etortzen ez eta Irailean, 12 tik 25 erako egunetan egin behar izan nuen. Udaran bero HANDIA egiten omen du eta baita ere sekulako jendetza. Berriro errepikatuko banu, seguru asko garai berean egingo nuke.
Lehen ere GR-11 eta HRP kin bezala, aholku orokor batzuk eta gero egun bakoitzeko tracka eta azalpentxo batzuk:

Xabiaram-k sortua, 2018, abuztua 29 - 21:47
Kategoriak Nafarroa
ABIAPUNTUA Kontienda
Eskema Kontiendako Eski Estazioa(1.680m)-Añelarra (2.360m)-Pescamou Lepoa (1.918m)-Kontiendako Eski Estazioa

Añelarra mendira ibilaldia Kontiendatik.
Txangoa Kontiendako Eski Estazioko aparkalekutik abiatzen da (1680m),
http://www.euskal-herria.org/argazki/2018/08/92373.jpg
eta lehen zatia eski pistetatik bertatik egiten da Kontiendako putzuraino (30min.) ekialderako norabidean.
http://www.euskal-herria.org/argazki/2018/08/92372.jpg
Putzu honetan bertan hego-mendebalderako norabidea hartzen dugu eta horri jarraitzen diogu 1900m. inguruko garaiera iritsi arte (30 min.)