Larrogaingo malkarretan hasi eta Uritz herriaren gainean amaitzen den gandor zorrotzak gure atentzioa erakartzen du, bai Artziko errepidean gora goazela, bai inguruko mendietako baten gailurrean gaudelarik. Urrundik iritsiezina ematen badu ere, Urdirozko bideak nahiko modu erosoan utziko gaitu gailurretik hurbil.
Merezi du gailur bakarti honetaraino joatea, Larrogain eta Korroskarriko ikuspegi berriaz gozatzearren besterik ez bada ere.
1987ko Mendien Katalogoak Anzi izena ematen zion, baina M. Belaskoren ustez, izen hau beheragoko beste zonalde bati dagokio.