Santikurutze Kanpezutik ekialdera, Kodesko mendimultzoaren bihotzean, Aldosilla izeneko gaina aurkituko dugu. Gain ezkutu samarra, Inta eta Valderrota ibarren artean, eta Eskalerako bidea hegoaldetik inguratuta. Bide egokiek eramanen gaituzte ekialdeko leporaino, baina hortik aurrera baso itxiak eta inguru karstikoak bat eginen dute gure txangoa infernu bihurtzeko. Nekez eta pekez iritsiko gara kair txikia dagoen malkarrera, inor gutxik zapalduriko toki batean egoteraren sentipenaren sari bakarrarekin.