San Pelaio menditik hegoaldera dagoen harria da Peña del Ladron, eta aukera polita da bi mendiok konbinatzea, baita askoz mendebalderago dagoen Muruzar (682m) mendiko kastroa ere bisitatzea. Gailurretiko ikuspegiak ez dira oso zabalak, zuhaitzak baitaude, baina bideko beste puntu batzuetatik Orbaibarreko paisaia zabalak ikusiko ditugu. Bideak ere ongi daude. Pistaz gain, bide nahiko garbi batek mendi soka osoa zeharkatzen du gailurretik hego-mendebalderantz, joan-etorri eder bat ahalbidetuz.