Baltsa gaina Satrustegiko malkarren azpian dagoan muino zabal bat da, batzuetan gain nagusien (Txurregi, Satrustegi...) bidean oharkabean pasatuko duguna. Baina paisaia zabalak eskaintzeaz gain, Irañetako Harrien malkar politak bisitatzeko aukera emanen digu. Gandor honek ez du aparteko zailtasunik, eta Rayo harriaren salbuespenarekin (eskalada tresnekin igo beharko duguna) goitik behera ibili dezakegu malkar osoa. Baina ohi bezala, kontuz ibiliko gara, batez ere harria heze badago, erorketa handia baitago.