Korola oso txikia, gehienez 5 mm luze, kaliza baino laburragoa edo luzexeagoa; urteroko landareak (43,44)
Korola 10 mm luze da gutxienez, kaliza baino nabarmen luzeagoa; landareak urterokoak, bi urtez behingoak edo bizikorrak dira (45)
Kalizak luzakin hostokara erreflexuak ditu gingilekin tartekaturik; landare ilezurruna; piramide-itxurako lore-elkarte trinkoa (45)
Kalizak ez du luzakinik gingilen artean; landare ilezurrunak edo bestelakoak; lore-elkartea ez da piramide trinkoa (47,48)
Lore eseriak edo ia, muturreko glomeruluetan, eta batzuetan baita alboglomeruluetan ere (46)
Lore pedizelodunak, banaka, edo lukuetan edo panikuletan (47)
Zurtoinaren erdialdeko hostoak, edo goikoak behintzat, obalak edo lantza-itxurakoak dira, 15 mm baino zabalagoak; kalizaren hortzak triangeluar/lantzeolatuak dira (48)
Zurtoinaren erdialdeko eta goialdeko hostoak 10 mm baino estuagoak dira, linealak edo luzanga/lantzeolatuak edo tartekoak; kalizaren hortzak zurda-antzekoak dira, lineal/lantzeolatuak, edo estuak eta triangeluar/lantzeolatuak (49)
Korola 3-4 cm luze da, eta ia luze bezain zabala; kalizaren gingilak triangeluar/lantzeolatuak dira, 2-3 mm zabal; hosto estuak, oblantzeolatuak, larrukarak (49)
Korola txikiagoa, zabal baino nabarmen luzeagoa; kalizaren lakainak zurda-antzekoak edo lineal/lantzeolatuak dira, 2 mm baino estuagoak; hostoek forma aldakorra dute, eta bigunak dira edo pixka bat larrukarak (50,51)
Korolaren erdia edo herena zatiturik dago; kapsula punta aldean dituen zuloetatik irekitzen da; beheko hostoak luzangak dira, eseriak edo oinaldean pixkanaka estutuak; urteroko edo bi urtez behingo landareak, tenteak (51,52)
Korolaren 1/5-1/3 zatiturik dago; kapsula oinaldean dituen zuloetatik irekitzen da; beheko hostoak (batzuetan loraldian falta dira) arrautzaitxurakoak edo ia biribilak dira, oinaldean moztuak edo bihotz-itxurakoak, txortendunak; landare bizikorrak, tenteak edo goranzkoak (53,54)
Urteroko belarra; sustrai ahul eta meheak; lore-pedizelo harikarak (50)
Bi urtez behingo belarrak; sustrai ± lodiak; lore-pedizeloak ez dira harikarak
Sustrai lodia, arbi-itxurakoa; loreak luku estuan daude; pedizeloak loreak baino laburragoak dira eta brakteatxoak oinaldetik sortzen zaizkie; kalizaren hortzak tente daude eta gehienetan ez dira zerradunak; korolaren herena zatiturik dago (51)
Sustraiak ez dira lodiak; loreak panikula zabal eta laxoan daude; pedizeloak loreak baino luzeagoak dira, eta brakteatxoak erdialdetik sortzen zaizkie; kalizaren hortzak ± zutituak dira, oinaldean zerradunak; korolaren erdia zatiturik dago (52)
Sustraiak ez dira lodiak; loreak panikula zabal eta laxoan daude; pedizeloak loreak baino luzeagoak dira, eta brakteatxoak erdialdetik sortzen zaizkie; kalizaren ortzak +/- zutituak dira, oinaldean zerradunak; korolaren erdia zatiturik dago.
Komentariorik ez..
