Oindolarren hasi eta Belabietaraino luzatzen den bizkar luzean gehien nabarmentzen den tontorra da Arizmendirena, eta bere kokapenaren ondorioz hainbat zorigaitz egokitu zaio: ehiza postu ugarik tartekatzen duten suebaki bat pasatzen da bere tontorretik eta suebaki hori bera da gasbidearen pasalekua. Horren ondorioz nahiko itxuragabetuta dago tontorraren ingurua. Suebakiak soildutako tarteak zabaldutako paisaia estu hori baino ez dago ikusteko tontorretik eta suebakia bera da ibilbidea luzatuz tontor gehiago harrapatzeko aukera garbiena.