Mendi txikia da Txutxurru, baina ez da erraza alajaina tontorrera heltzea! Tontorraren inguruak ezpelaz josita daude eta horrek pasabidea ez ezik tontorra non den atzematea ere asko zailtzen du. Ezinezkoa da gandorrarik jarraitzea ezpel, elorri, ipuru e.a.en artean; hobe da hegoaldeko isurialdetik, beheraxeagotik ibili eta tarteka gora eginez ertzera jo eta tontorra bilatzea. Bidean aipatzekoak dira tarteka ikusten diren haritz zahar mardulak, baso xeheagoaren artean nabarmentzen direnak. Mendebaldeko lepoan, berriz, SanUrbanoren ermita, ingurune txukun baten, alboan ibiltarientzako aterpea duena, sutoki eta guzti.