Toloño mendikate luzeko beste asko bezala haitz eta horma ikusgarriez osatutako tontorra du, baina ez du batere zailtasunik ohiko igoerabideak erabiliz gero. Bernedo mendatetik abiatzen da bata eta Lapoblacion herritik bestea. Batetik igo eta bestetik jaistea gomendatzen dizuet, aukeran iparraldetik igoz eta Lapoblacionera jaitsiz, errazagoa baita igoera iparraldeko isurialdeko basoan barrena egitea, itzalean. Ingurukoek "El Leon Dormido" izenaz ezagutzen dute mendi hau, antza denez.