Mendi honetan amaitzen da Gasteiz aldean hasi eta Araba eta Nafarroa lotzen dituen mendikate luzea, Arakil ibaiak bortizki etendako Oskiako haitzartean. Mendi apala da, Txurregi gain-gainean baitu, baina ikusgarria da Oskia gainera erakusten duen alderdia: haitz eta amildegi ikusgarriak harritza luzeen gainean. Igoera erraza du Txurregirekin lotzen duen lepotik nahiz ekialdeko lepotik, arrastoak nabarmenak dira. Gainean, gotorleku zahar baten arrastoak eta ikuspegi ederra, trabarik gabea, Sakana eta Ollaran aldera.