Legazpi eta Zegama artean luzatzen den mendikate luzeko tontor garaiena da Arranoaitzena. Badira ordea kate horretan beste hainbat gain altuera beretsukoak, gandorrari 800 metrotik gora eusten diotenak, hala nola Elortxiki Hegoaldean eta Arripillata, Oamendi, Ollargain eta Otaño Iparraldean. Otaño pixka bat bereizita gelditzen da, baina gainontzekoen artean ez dago ez distantzia eta ez gora-behera haundirik, nahiz eta gain bakoitzak bere izena txartelontzia izan, eta erraz lotzen dira ibilaldi berean, bizkarrari jarraituz.

Elortxikin bada txartelontziaz gain aterpe polit bat, mahaiz inguratua. Arranoaitz eta Arripillata arteko lepoan, tumulu haundi bat eta zista bat ikus daitezke. Oamendin berriz, trikuharri batek osatzen du tontorra.