Zuriainek aipatutako ibilbidearen osagarria da, jaitsierarako beste bide bat erabiliaz. Cerradako mendatera itzultzean, gurutzedun tontor bat (Fallar) ikusiko duzue Mendebaldean, oso urrutira gabe. Hara heltzeko aurreko larre eremuan nabarmentzen diren haitzen artetik abiatzen den xenda bihurri bat jarraitu behar da. Arrastoa arina da tarte batzuetan, baina harripilak eta pintura markak arretaz jarraituz gero (2009ko iraila), ez zarete galduko. Halako batean harriz inguratutako lepo batera helduko zarete: ezker aldean dago tontorra. Nahi izanez gero mendebaldera jarraitu dezakezue gero xenda berari jarraituz (arretaz jarraitu behar zaie pintura marka eta harripilei), Arangoitiko igoerako bidea topatu arte, larre soilean zabaldutako lepo batean. Arrastoak puntu horretan behera egiten du, sigi-saga, igoerarako erabili dugun bidearekin topo egiteko puska bat beherago.
Oso bide polita da, harri, pinu eta pago artean bihurrika dabilen xenda jostagarria.
| Eranskina | Tamaina |
|---|---|
| leire-oso-fallar.gpx | 151.62 KB |
Komentariorik ez..