Oza aldera amildegiaz ebakitako muino harritsu zerrenda batek osatzen du Quimboa - Petraficha katea. Alde handirik ez da tontor hauen artean altuerari dagokionez, eta tarte handirik ere ez da beraien artean, baina nola izen bereiziak dituzten, bientzako leku egitea iruditu zai egokiena. Gain soilak dira eta, ondorioz, ikuspegi zabala eta garbia eskaintzen dute, begiratoki ederra da ekialdeko paisaia zoragarrira begira egoteko. Igoerak ez du zailtasunik luzera eta desnibelaz aparte, izan ere Anzotielloko mendateak iparraldeko lepoan eta Petrafichako mendateak hegoaldeko lepoan Zuriza nahiz Oza aldetik datozen bideak elkartzen dituzte, eta bide ederrak eta nabarmenak dira hauek. Tontorrean ez dago harripila xume bat baino, Quimboan bezala (2022ko maiatza). Antzeko media da Chipeta ere, hegoalderago, urrutira gabe.