Hosto pinatisektuak (41,42)
Hosto palmatisektuak, digitatuak edo hirunakatuak (44,45)
Petalo zuriak; akenioek ileak dituzte lotunean, behintzat; 1,3-5(7) mmko estiloa
Petalo horiak; akenio ilegabeak –ez nahastu errezeptakuluaren ileekin; 0,6-1,9 mm-ko estiloa
Landareak izar-itxurako ileak ditu, hosto-azpietan behintzat ugariak, eta ile horiek zilar-kolore grisaxka ematen diote hostoari, maiz bi aldeetatik (49)
Landareak ez du izar-itxurako ilerik, ile bakunak ditu, zuzenak edo kizkurrak
Hostoek ertz kanpora-kiribildua dute, lakain pinatifido edo pinatipartituak dituzte, eta azpialdean ile kizkur zurixkaz jantzita daude (50)
Hostoek ertz laua dute edo kanporantz apur bat kiribildua, lakain horztunak edo gingildunak dituzte, eta azpialdean berdeak, grisaxkak edo zetadunak dira, eta ile zuzenak edo uhinduxeak dituzte
Lore guztiek edo gehienek 4 sepalo eta 4 petalo dituzte; karpelo gutxi, 4-14(17) lore bakoitzeko (51)
Lore guztiek edo gehienek 5 sepalo eta 5 petalo dituzte; karpelo asko, 20tik gora lore bakoitzean (52)
Loredun zurtoinak herrestariak dira, eta batzuetan adabegietatik sustraitzen dira; loreak banaka daude galtzarbeetan (52)
Loredun zurtoinak tenteak, goranzkoak edo prokunbenteak dira eta ez dira adabegietatik sustraitzen; loreak zurtoin-muturretan daude korinboitxurako zimetan, inoiz banaka
Errosetako hostoek 3 lakain dituzte, inoizka baten batek 4-5 ditu; loredun zurtoinak 1-5 cm luze dira, harikarak
Errosteako hostoek 5(7) lakain dituzte, inoizka baten batek 3 ditu; loredun zurtoinak sarritan luzeagoak dira, gehienez 20(85) cm-koak (53,54)
Loredun zurtoinak tenteak dira, gehienez 70(85) cm-koak, eta ipurdiaren adarren muturretako begietatik sortzen dira; zurtoinek, beheko herenean behintzat, luzera desberdineko ileak dituzte, luzeenak 3-5,5 mm-koak; hostoek 5-7(9) lakain dituzte, erdikoa 6(8) cm luze gehienez (53)
Loredun zurtoinak etzanak, ia tenteak edo tartekoak izan daitezke, gehienez 25 cm luze dira, eta oinaldeko erroseten edo altsumen hostoen galtzarbeetatik alboetara sortzen dira; hostoek (3)5(7) lakain dituzte, erdikoa 2,5(4) cm luze gehienez (54)
Hostoen lakainek ertzean hegal zetadun/zilarkara estua dute, hosto-puntara begira etzanda dauden ile distiratsu askok osatua; hosto-txortenek ileak dituzte, gehienez 1 mm luze, gehienetan hosto-puntara begira (54)
Hostoen lakainen ertzetako ileak ia zutituak dira, eta ez dute hegal zetadun/zilarkararik osatzen; hosto-txortenaren ileak gehienez 3,5(4) mm luze dira eta gehienetan ± zutituak
Altsuma begetatiboak erroseta laburrak izan daitezke, edo bestela zurtoin etzanak, gehienez 20 cm luze; altsumetako estipulak linealak izan ohi dira, batzuetan triangeluarrak eta puntaluzeak, erdialdean 1 mm zabal, zorrotzak edo ia, eta inoizka ertzetan guruin ia eseriak dituzte; hosto-txortenek gehienez 4 mm luze diren ileak dituzte eta sarritan tuberkulu txiki bat dute oinaldean; loredun zurtoinek gehienetan ile zutitu asko dituzte (55)
Altsuma begetatiboak erroseta laburrak izan daitezke, edo bestela zurtoin etzanak, gehienez 4 cm luze, eta altsumetako estipulak obalak edo triangeluarrak izan ohi dira, erdialdean (0,6)1 mm baino zabalagoak, kamutsak edo ia zorrotzak, eta askotan izaten dituzte guruin ia eseriak ertzetan; hosto-txortenek gehienez 2,5 mm luze diren ileak dituzte eta oso gutxitan izaten dute tuberkulu txiki bat oinaldean; loredun zurtoinek ez dute ile zutiturik edo gutxi dituzte (56)
Komentariorik ez..
