Mortuako pagadi amaiezinetan murgilduriko bizkar luze bat dugu Arburu, Egiluzko lepo luzeak Aitzarbil ezagunagoarekin loturik. Inguru honetan pista eta bide ugari egonik, eta basoak ezin garbiagoak badira ere, komeni da orientatzeko tresnak eramatea, batez ere udan, hostoek paisaia erabat estali eta galtzeko arriskua areagotzen dutenean. Eguraldi kaskarrarekin ere ezinbestekoa izanen da bruxula, mapa edo GPSa eramatea. Trukean, kondairazko baso hauetan ibiltzeko esperientzia izanen dugu.