Kapanasta gaina ez da Andiako gainik ezagunena, baina, ohi bezala, ohiko bideetatik ateratzeak saria dauka. Gailur ezkutu honen bidean bazter ederrak ezagutuko ditugu: pagadi garbiak, karst zabalak, bide zaharrak... Ez da nabari gainaldean jarraitzeko moduko bidezidorrik, baina bada harrizko hesi bat tontorra atzematen lagunduko diguna, Goñi aldetik etorriz gero. Halere gailurra zabala da, ederra, han-hemenka sakabanatutako aritz zaharrek agintzen dute paisaian, baina sasia ere bakana da, ez du bidea galerazten. Tontorretik gertu baseliza zahar baten aurriak aurkitu daitezke, Santakrutz izenekoa. Txangoa motz gertatzen bazaigu, Txargain eta Bordas Viejas gainak eskura izanen ditugu.