Lagarteko mendialdeko beste muino harritsu bat, Berastegi aldera begira dagoen altzairuzko gurutze batek seinalatua. Ez du txartelontzirik edo beste ikurrik, eta gurutzea bera ere ez dago tontorrean, Berastegi aldeko beheragoko haitz mutur batean baizik. Hori bai, ikuspegi zabala eskaintzen du Berastegiko ibarraren gainean eta ezin bisitatu gabe utzi Lagarteko itzulia egitean. Akordatu aldamenetik pasatzean!