Bete-betean asmatu zuten Doneztebe-Bortziritarrek gain honi izena jartzerakoan, ederra baita benetan Mendieder. Mendaur erraldoiaren itzalpean izanik ere, Arantza inguruko mendikateen arteko giltzarri dugu Mendieder: iparralderantz Apaola-Oianberri katea luzatzen da. Mendebalderantz, soka Ekaitzaraino iristen da, iparralderantz okertu baino lehen, Artikutza inguruko mendietarantz. Mendizaleek Mendaurrekin batera igotzen ohi dute Mendieder, baina bai Arantzatik bai hegoaldeko bideetatik, konbinaketak amaiezinak izanen dira: Ekaitzarekin batera, Apaolatik pasatuta...