Bioznar eta Jaizkibel Higerretik ibilbidea

inaxio·k

2025/02/16 - 19:37

18 klik
Abiapuntua: Higerreko kanpina
Zailtasuna: Zaila
Igoera metatua:850 m
Eskema: Higer - Talaia bidea - Biosnar - Talaia bidea - Jaizkibel - Guadalupe - Higer
Luzera:23.00 km
Iraupena: 7 ordu
Ibilbide mota: Itzulia, jaitsiera beste bide batetik
Lurraldea:Hondarribia
Noiz egina: 2025-02-16

Talaia bidea bi tartetan moztuta dago (2025eko otsaila). Lehenengoan desbideraketa erabili dut bidean debekua ikusita, bigarrenean ez diot kasurik egin debekuaren zinta kenduta zegoelako; tarte batean bidearen bazterra amilduta dagoelako da, pasa daiteke kontu pixka batekin. Biosnarreko muturraren bisita eta gero arrastoak Talaia bidea utzi eta itsasertzeko bidea jarraitzen du Erentzingo malkarra gainditu arte. Itsasertzeko bide hau zakarragoa da eta ez dago Talaia bidea (marka zuri gorriak, GRarenak) bezain ondo markatuta (bi marra zuri), arreta pixka bat jarri behar da tarte batzuetan. Handik bizkarrean gora egin eta Talaia bidearekin egiten du bat berriro gorago. Errepidea pasa eta laister Talaia bidea berriz utzi eta su-ebaki batean gora Jaizkibelgo gandorrera heltzen da. Tontorretik pasa eta bizkarrari jarraituz heltzen da Guadalupera; tarte ederra da, azkar eta erraz egiten dena. Handik Higerrera biderik zuzenenak jarraitzen ditu arrastoak (nekatuta nengoen ordurako), tarte batzuetan porlanezko bidea eta beste batzuetan asfaltozkoa.

Bidean ikusi beharrekoak:Jaizkibel
Arrastoa:
EranskinaTamaina
higer-biosnar-jaizkibel-20230216.gpx325.81 KB

Komentariorik ez..