Larrunarri handia du aurrez-aurre eta horrek mendizaleen arreta kentzen dio, baina oso ikuspegi zabala eskaintzen du eta merezi du bisita. Egurral aldeko lepoak bereizten ditu biak eta haraino igotzen den Larraizko bidea da biderik egokiena: bada handik bidezidor arin bat bere ekialdeko lepora igotzen dena eta tontorretik oso gertu utziko gaituena. Tontorreko joan-etorria eginez gero, hegoaldean zabaltzen den larre eremu zabalean gora eginez Arrubi dugu nahiko gertu, eta Ganbo, urrutixeago. Bada gainera bailaratxo bat bere HMko isurialdean hainbat elementu interesgarri gordetzen duena (saroiak, kobak eta leizeak, harrespilak, dolinak, e.a.).