Burdindogi eta Baratxueta mendien arteko bizkar luzean nabarmentzen den tontorra da Urdanatz, irispide errazak eskainiz, H.tik nahiz I.tik, gandorrari jarraituz. Basoa urriagoa da Urdanatzen inguruan, nahiz eta tontorra pagoak hartuta egon. Aberereak ez dira ugari antza denez eta txillarra eta iratzea gailentzen ari dira pixkanaka pixkanaka, larrea estaliz. Aipatutako mendiekin batera igo daiteke, neke handirik gabe, ibilbide berean lotuz, Iragi edo Egozkuetik abiatuta.