Imotz, Atetz eta Xulapain ibarrek bat egiten duten tokian Arangaitz mendia zutitzen da. Mendi ederra, bizkar luze eta ertz zorrotzekoa, paisaia zabalak eskaintzen ditu bai Iruñerriaren aldera bai iparraldeko haran eta mendietarantz.
Badirudi mendizale gehienek nahiago izaten dutela hegoalderago dauden eta ospe handiagoa duten Arriaundi eta Artzelaieta mendiak, baina Araigaitzek badu zer eskaini: Angaitzako trikuharri hurbila edo San Bartolome ermita handia, kasu. Txangoa luzatu nahi izatekotan, Arriaundi eta Artzelaieta aipatuez gain, Bagadixar ilunagoa ere duzue aukeran.