Piramide baten itxurarekin apaintzen du Lareo aldeko paisaia Akaitz Txiki mendiak, Sarastarri eta Akaitz mendien artean kokatuta egonagatik, bietatik nahiko ondo bereizita baitago. Karaitzezko malkar eta sasiek ez dute nolanahi gerturatzen uzten tontorrera: iparraldeko isurialdeko pagadiak ematen du tontorrera gerturatzeko erraztasun gehien eta handik gora egiten du ohiko igoera bideak. Hainbat koba eta leize zulo gordetzen ditu bere malkar horietan, horietako batzuk zailtasunik gabe bisitatzeko modukoak.