Mendi Getze herriaren ondoko gaina da, bere izena bezain diskretua. Gainalde lauak aintzinako herrixka baten kokapena iradoki dezake, baina mendixka hau ezaguna da batez ere bertan Noaingo batailaren monumentu/oroigarria dagoelako. Noaingo bataila 1521ko ekainaren 30ean izan zen, eta behin betiko jarri zion amaiera Nafarroaren independentziari. Bertan, 30.000 soldadu espainiarrek Nafarroa eta Frantziako koalizioaren armada garaitu zuten, 8.000 eta 10.000 lagunek osatua. Egun, industrialde eta galsoroz inguraturiko mendixka hau ikusta,zaila da borroka hura irudikatzea.