Ollargain Itxondoa-Arraldegaina mendilerro luzearen azken gaina dugu, hegoaldetik. Aroztegiko arrateak bereizten du mendilerroaren gainerako gainetatik, eta haien antzera, basoak estaltzen du mendi gehiena. Hala ere, gailurra soila da, eta Imotzko paisaia ederrak ikusiko dugu bertatik. Inguruko beste tontor batzuk bisitatzeko asmorik izanez gero, Ollargain ideia ona izan daiteke ikusmira zabalak izateko.