Koskotia eta Bisaurreta gainek bizkar bikoitz bat osatzen dute Zubielki eta Murieta arteko errepidearen gainean. Mendialdea haritz, arte eta mediterranear espezien baso trinko batek estalita dago, bide eta pisten labirintu batek zehakatuta. Bistan da ehiztariak artean ibiltzen direla mendi hauetan, gailurretan topatuko ditugun postu eta etxolek garbi adierazten dutenez. Oro har, gain interesgarriak dira, bista nahiko zabalak eskaintzen dituztenak, eta bideak gailurretaraino bertaraino iristen direnez, arazorik ez iristeko. Hori bai, hobe ehiza garaian ez hurbiltzea.