Ez da mendi handia, baina nahiko ondo bereizita dago ingurukoetatik. Sorondoko lepoak lotzen du Zariako bizkar luzera eta huraxe da ibilbidea luzatzeko alderik egokiena. Aipamen berezia merezi dute gailurrean dagoen harrespilak, HMko hegian dagoen Ozentzioko ermitak eta Sorondo taberna zaharrak, urte askoan inguruko baserritarren topaleku izan denak. Sorondoko lepoa da igoera errazena eskaintzen duen abiapuntua (errepidez heldu gaitezke hara); bertatik abiatuta SL-Gi 1004 bidea jarrai dezakegu tontorra bera igo eta gero mendia zeharbideetatik inguratzeko.