1987ko Nafarroako Mendien Katalogoan Egui-estu izeneko mendi bat ageri zen, egungo kartografian Egieztu izena jasotzen duena. Egieztu Guratz eta Ireber mendimultzoen arteko mendikate baten gainik altuena dugu. Pagadi garbiek estalitako gainak ditugu, eta, izenak ongi adierazten duenez, bizkar estu bat da, batez ere gainaldean, harria nagusitzen denean. Erasote errekaren ibarra iparraldetik eta Goikozulo hegoaldetik inguratzen dute mendialde bakarti hau.