Sierra Baja mendia

Tafalla eta Artaxoa artean mendilerro ez oso nabarmen bat zabaltzen da, ozta-ozta bostehun metroak gainditzen dituena. Ekialdean haizerrotek gainak hartu dituzte, eta -oraingoz- mendebaldeko gainak, Sierra Baja eta Pingolotero, libratu dira, auskalo noiz arte baina. Landaturiko pinuak nagusitzen dira gainetan, eta soroak behekaldean. Bide eta pista ugari daude, oinez zein bizikletaz ibiltzeko aproposak, Paisaia zabalak ikusiko ditugu, batez ere hegoalderantz.