Amorro mendia

Beriaingo Sakana aldeko harresian nabarmentzen den gainetako bat da, gainontzean nahiko gora-behera gutxikoa den amildegiaren ertzean. Bertara igotzeko aukera egoki bat Irañetako mendateak eskaintzen du, bide batez, Irañetako haritzak eta Euskal Herriaren erdigunea bisitatzeko aukera emango diguna. Esan gabe doa Beriain ere ez dela urruti, azken batean, hara gerturatzeko beste aitzakia baino ez da, eta Lezizagoa ere bai, ibilbidea osatzeko. Badu txartelontzia tontorrean.