Argarai mendia

Lindusen hasi eta Donibane Garazi aldean bukatzen den mendi kate luzeko tontorretako bat (ibilbide polita da gainez gain doana).
Bi Nafarroen arteko muga mendikatearen gainalde ia osoan zehar pasatzen da, txarrantxa ez oso eder baten moduan. Mehatzeko gailurrean, Nafarroa Garaiko Gobernuaren erpin geodesikoaz gain, 168 zenbakidun mugarria dago.
Mendikate honetako txangoak luze eta beti-bateko samarrak gerta balitezke ere, merezi dute, batez ere inguruko paisaia ezin zabalagoak miresteko.
Argarai izenaren etimologia garbia da. Haren ondoko Mehatzek Bordalepoko Kaskoa izena ere jasotzen du. Bi mendiok gainalde harritsukoak dira, eta horrek nabarmendu egiten ditu, oro har muino belartsuak nagusi diren mendikate honetan.