Aitzorrotzen eten egiten da Eskalaborro aldetik datorren gandor harritsua eta larrez estalitako bizkar borobildu batek ordezkatzen du malkarraren ertza. Ematen du gainera gandor harritsu hori ertzetik bereizi egiten dela, pagadiaren gainean zutik gelditzeraino, amildegi ikusgarria eratuz. Izena du egokia. Tontorrean harri pila xume bat baino ez, haitz nabarmenenaren gainean, eta ikuspegi zabala. Zailtasunik gabe jarraitu daiteke ertzean barrena mendebaldera (Saratsa) nahiz ekialdera (Eskalaborro).