Oso mendi apala da Irulegi aldameneko erraldoien aldean (200 m.ko gora-behera baino ez Betelutik abiatuta), baina nola nahiko ondo bereizita dagoen Malloetatik jaisten den hegitik eta bere erliebea nahiko ondo definituta dagoen, lekutxo bat egin nahi izan diot hemen. Badu gainera aipamena merezi duen kontu pare bat: gainaldeko eremu karstikoraino heltzen den Zigadi-Beroateko artadia (babestutako natur-eremu berezia) eta, nola ez, Malloen ikuspegi zabala. Errazkin aldeko hegian San Donato baseliza dago, urrutira gabe. Tontorrean harri-pila bat baino ez.