Alaitz mendilerroko erpin geodesikoa ez dago, ohi bezala, gailurrik altuenean. Bagadigorriko tontorra landaretzak erdi janda egonik, geodesikoek Orraungo gailur irekia aukeratu zuten erpina jartzeko. Garai batean, bi gailur hauen arteko bidea erabat desagerturik zegoen, eta mendizale gutxi ausartzen ziren Orraundik Pagadigorrira joateko. Egun, bidea balizaturik dago, eta arazorik gabe egiten da trabesia.
Orraundik hegoaldera, mendilerroak Y grekoa egiten du, Orrontz eta Itzula gainak bereiziz. Orraungo gailurretik Iruñerriko paisaia zabalez gozatu dugu... oraingoz haizerrotik gabe.