Ergoienako bailara hegoaldetik ixten duen karaitzezko harresiko gain garaiena da Pagomotxetarena, eta halere, bertan lortzen du bailara estaltzen duen pagadiak gandorra gainditu eta ale batzuk harresiaren beste aldeko eguteran jartzea. Pago horiexek atontzen dute Pagomotxeta tontorra, ikuspegia murriztu baina ibiltariarentzat oso estimatua izan daitezkeen itzal-une batzuk eskainiz. Tontorrean ez da seinale bereizirik, harri pila bat edo beste ez bada. Gandorrari jarraituz gertu gelditzen da Eskalaborro tontorra mendebaldean, eta ekialdean, Peñablanca / Aitzuri, baina gandorretik bereizita.