Dulantzeko goi-ordoki nagusitik ekialderantz, mendi-adar bat luzatzen da hegoalderantz, Lizarreta sakana mugatuz. Hegoaldera egin ahala, Irantzu errekak zulaturiko sakan hau zabaldu eta monasterio ospetsuraino iristen da.
Ohi bezala, Dulantz bezalako mendi ospetsu baten hurbiltasunak protagonismoa kentzen die inguruko gainei. Hala ere, Kurruskarraz eta Zanabe gainak Dulantzekin batera igo genitzake inolako zailtasunik gabe, Urbasako txoko berriak bisitatuz.