Uxueko mendiak aizto bat bezala sartzen dira Nafarroa Erriberaraino. Oro har ez dira oso gain nabarmenak eta soroz eta alorrez inguraturik egoten dira. Nekazaritza ez ezik, abeltzaintzak ere garrantzi handia izan du paraje hauetan. Ikusi besterik ez dago zenbat borda eta eskorta aurkituko ditugun gure bidean. Zaraitzuarren abelbidea izanik, hango abizenak ikusiko ditugu borda horietan. Egun artaldeak gehienbat kamioiz eramaten direnez, borda horiek hutsik eta erdi erorian ikusiko ditugu, beste garai bateko lekuko.
Pentsa zitekeenaz bestera, Etxeberri-Pena gaina polita da, mendi itxura peto-petoa du, eta paisaia zabalak ikusiko ditugu kono itxurako gailurretik.