Lizarra ipar-ekialdetik mugatzen duen mendia da Gurugu. Nafarraoan beste hainbat kasutan bezala, seguruenik Marokoko gerratik itzulitako soldaduek jarriko zioten izen arrotz hori mendiari. Antzeko altuerako bi gailur ditu. Iparraldekoa da altuena, baina ia ez du ikuspegirik, eta behi itxitura baten erdian dago. Hegoaldekoa askoz dotoreaago eta interesgarriagoa da, harrizkoa eta paisaia zabalekin.

Mendi honen mendebaldeko hegian Desvelados edo Kalaberen parkea ikus dezakegu. Luis García Vidal artelariak egindako eskultura multzoa da, burezurrez eta istripuak izandako autoz osatua. Badirudi egilea hil zenetik inor ez dela tokiaz arduratzen, eta pixkanaka eskulturak hondatuz doaz... benetako hildakoak balira bezala.