12. TALDEA

Landare lehortarrak edo substratuan sustraitzen diren landare urtarrak; periantoa bi bilduki desberdinek osatzen dute; petalo askeak, edo oinaldean elkarri zertxobait atxikiak, baina ez hodirik ez ligularik eratu gabe; obulutegi superoa; karpelo bakarra, edo hainbat karpelo bat eginda beheko erdialdean gutxienez; lore aktinomorfikoak; lorezilak petaloak halako bi baino gehiago dira

• 1 Landare urtarrak; ur-azaleko hostoak, osoak eta oinaldean bihotz-itxurakoak; lore horiak; arrautza-itxurako fruitu larrukara, puntan disko estigmatikoa duena (77) >> 4. Nymphaeaceae p.p.
• - Landareek ez dituzte ezaugarri horiek guztiak batera #2

• 2 Lorezil-harizpiak bat eginda daude hodi batean (78) >> 34. Malvaceae
• - Lorezil-harizpiak aske daude, edo sortaka bat eginda #3

• 3 Periantoaren lakainek fruituan irauten dute, akreszenteak dira eta sarritan hegaldunak (79) >> 28. Polygonaceae p.p.
• - Periantoaren lakainak bestelakoak dira #4

• 4 Obulutegia kopa-itxurako hipantoan bilduta dago, eta hazi-hasikin bat du (80) >> 55. Rosaceae p.p.
• - Obulutegia ez dago kopa-itxurako hipantoan bilduta, eta 2 hazi-hasikin edo gehiago ditu #5

• 5 Lore txikiak, lukuak edo panikulak osatzen dituzten galburu trinkoetan edo glomerulu esferikoetan elkartuta; zuhaitzak (81) >> 56. Mimosaceae
• - Landareek ez dituzte ezaugarri horiek guztiak (82,83) #6

• 6 Loreek karpelo bat dute; hostoak 2-hirunakatuak dira; hostoen beheko hostoxkek badute peziolulua (82) >> 6. Ranunculaceae p.p.
• - Loreek karpelo 2 edo gehiago dituzte; bestelako hostoak (84,85) #7

• 7 Zuhaitzak; lore-elkarteek braktea nabarmen bat dute, kanduari zati batean itsatsita (83) >> 33. Tiliaceae
• - Belarrak edo zuhaixkak; bestelako lore-elkarteak #8

• 8 Loreek 2 estilo edo gehiago dituzte, askeak (84,85) #9
• - Loreek estilo bat dute edo lorexaki eseria dute (86,88) #10

• 9 Hosto gehienak txandakatuak dira, inoizka osoak; periantoaren kanpoko lakainek petalo-itxura dute; fruituak poliakenioak edo polifolikuluak dira (84) >> 6. Ranunculaceae p.p.
• - Hosto aurkakoak edo bertizilatuak, osoak; periantoaren kanpoko lakainek sepalo-itxura dute; fruituak baiak edo kapsulak dira (85) >> 32. Clusiaceae

• 10 Loreek 4 petalo eta 2 sepalo dituzte, erorkorrak (86) >> 8. Papaveraceae
• - Loreek 5 petalo eta 3-5 sepalo dituzte (87,88) #11

• 11 Obulutegi lokulubakarra, edo oinaldean soilik trenkatua; 15 lorezil baino gehiago lore bakoitzean; hosto bakunak, osoak edo ia, izar-itxurako ileekin edo halakorik gabe (87) >> 36. Cistaceae
• - Hiru lokuluko obulutegia; loreek 15 lorezil dituzte; hosto pinatisektuak edo pinatikonposatuak, izar-itxurako ilerik gabe (88) >> 83. Zygophyllaceae p.p.