Pinpilengandik oso gertu badago ere izaeraz oso ezberdina da Burgalaitz. Pinpilek larrez estalitako tontor borobila duen bitartean, Bugalaitzek kareharrizko tontor malkartsua du eta neurri haundi batean basoz estalita dago.
Bere iparraldean Oltzako zelaigunea hedatzen da. GR bideak inguratzen du mendia Hegoaldetik eta hamar minututan igo daiteke handik abiatuz gero, gora-behera txikia baita, eta bidea, zailtasunik gabea. Tontorrean erpin geodesikoa eta txartelontzia aurkituko dituzu, dena harri bera dela ematen duen karaitzaren gainean. Badira beste bi muino harritsu alde banatan, zailtasun handirik gabe zapaldu daitezkeenak.