San Adrian mendia

Lizarraga herriaren gainean oldartzen diren haitzen artean bada bat bereziki aurreratzen dena, ermita txiki bat gainean duela: horixe da San Adrian edo Adrian Donearen haitza. Ez dago EHMKan, baina aitzakia polita da bazter hori ezagutzeko, izan ere ikuspegi zabaleko tontorra da, igoera bide egokia du Lizarraga herritik nahiz mendatetik eta ikusgarria da oso bere paretik hasi eta Lizarragako mendateraino luzatzen den gandor luzea, haitz eta amildegi ikaragarriz osatua. Iparraldeko isurialdean karaitzezko bi mutur zorrotz nabarmentzen dira, pagadiak estalitako amildegiaren erdian, baina neke handirik gabeko pista polit batek igotzen du isurialde hori amildegia saihestu eta Baiza aldeko lepora joz. Hegoaldean basoa eta karsta da nagusi, baina Lizarragako mendatetik datorren pista zabal batek tontorretik gertu utziko gaitu, aldaparik apenas nabaritu gabe. Ibilbidea luzatu nahi izanez gero, Baiza nahiko gertu gelditzen da Man, Saratsa/Usabide urrutixeago Ean.