Nafarroak, Arabak eta Gipuzkoak bat egiten duten Arbarrain menditik adarrak hedatzen dira hainbat norabidetarantz. Adar horietako batzuk Altsasuraino luzatzen dira, bidean altuera galduz eta pagadi zabaletan murgilduz. Inongo zerrendatan ez agertuta, eta basoak paisaia eragozteko mehatxuarekin, mendizale gutxi hurbiltzen dira gain hauetara.
Hala ere, mendialde interesgarri bat dugu hau. Hainbat megalito daude Kipular-Sengaitzu katean, eta Orobeko Haitzaren mendebaldeko hegian harpe nahiko interesgarriak daude, non aurrehistoriako arrasto ugari aurkitu baita.
Kipular eta Sengaitzu zonaldeko gainik garaienak dira, baina haien gailurrak pagadiaren baitan geldituta, ez dugu paisaiarik ikusiko. Horretarako Urdalur urtegi txikiaren gainera altxatzen den Orobeko Haitzera joan beharko dugu, talaia ikusgarria Sakana eta Otzaurteko mendatearen gainean.
Oso gertu (< 1.000 m)
Orobe koba (52 m.) · ? trikuharria (888 m.) ·
Ibilbideak
Komentarioak
Mapako edukiak aukeratu
Edukia erantsi
Zer erantsi nahi duzu?
Klikatu orain maparen gainean, kokapena adierazteko. Mapan klikatutakoan beste leiho batean zabalduko da sarrera berria osatzeko orria.
/var/www/html/d9.luberri/web/themes/custom/uiluberri/templates/osagai/wp-erantsi-modal.html.twig
Waypoint berria erantsi
Leku ederra ematen du honek
inaxio·k bidalia 2010·ko Apirilaren 14·an - 22:20etan·an
Leku ederra ematen du honek zuriain! Duela gutxi ibili naiz inguru hortako trikuharriak begiratzen, baina ez nintzen honaino iritsi. Kuriosoa da eskultura hori. Zutarri zahar batean eginda dagoela ematen du... uste dut zutarriak ikusten ditudala nonahi.
Badakizu, Inaxio, zenbat
zuriain·k bidalia 2010·ko Apirilaren 15·an - 15:32etan·an
Badakizu, Inaxio, zenbat gustatzen zaizkidan halako harri bakartiak... Gomendagarria da oso menditxo hau, zerrendetan agertzen diren hainbat baino gomendagarriagoa seguruenik.
Bertan izanik, eskulturak ez zuen hain "zutarri" ematen, baina batek daki! Ni behintzat es naiz hain trebea monumentuei antzematen: Atxuelan izan nintzenean, hainbat monumenturen bila ibili nintzen... bakar bat ere aurkitu gabe! Beste horrenbeste Azaldegin, Laurinagan, Sorogainen... snif!
Lasai zuriain, ez da deus.
inaxio·k bidalia 2010·ko Apirilaren 15·an - 21:40etan·an
Lasai zuriain, ez da deus. Ni ere susmoa hartuta nago behin ikusi eta ez ote diren hurrengorako lekuz aldatzen, perretxikoak bezala. Esandako lekuan ez dira behintzat askotan egoten...