Azken aldaketak

Kaixo lagunok. Jatsaguneko orrialdean argazki pare bat jarri dut, baina ez nago seguru. Argazkietako harrespila Urdanarreko gailurrean (1217m)aurkitu nituen, eta posizioa ez dator bat hemengo maparekin. Argazkiak oker jarrita badaude, erran eta kendu eginen ditut. Ongi izan!

Euskal Herriko herriak jasotzen dira hemen, "herriak" oso era zabalean ulertuta: udalerri, kontzeju, auzo, jaurerri... edozein izaera administratibo duen herri-gunea hartzen da aintzat. Udalerriek aurkezpen bereizia dute, herri-gune gehiagorekin osatuta egonez gero. Izan ere, batzuetan herri-gunea udalerria ere bada, baina beste askotan herri-gune askok osatzen dute, edota herrigune nagusi bakar eta nabarmena izanagatik, badu beste auzoren bat aipamen bereizia merezi duena... kasuistika oso zabala da, eta kasu bakoitza hobeto ezagutu ahala, moldatzen joango gara.

Atal hau lurralde bakoitzari dagokion administrazioak "apartak" bezala seinalatu dituen zuhaitzak erakusteko sortu zen, baina ikusita administrazioek eurek ahaztuxeak dituztela kontu hauek, aipamen berezia merezi duen besteren baten berri izanez gero, zeuk ere erantsi dezakezu. Aurretik jasota daudenak ikusiz gero antzemango diozu zer den "zuhaitz aparta": tamaina, adina, itxura, kokapena edo arrazoi historikoengatik nabarmentzen dira gehienak, nahiz eta horietako asko osasunez makal xamar egon.