Pagadiz jantzitako mendia, Adi handiaren hegoaldeko saihetsetik luzatzen den kate luzeko tontorretako bat. Zilbeti aldetik igo nahi izanez gero herriko lehenengo etxeen paretik gora abiatzen den pista zabala hartu eta Gurutxagako lepora igota gandorrari jarraitu besterik ez dago tontorrera heltzeko. Nahi izanez gero, Atzegi ere lepo beretik ordu erdira dago, hegomendebaldera luzatzen den egiaren muturrean. Iparralderago, berriz, Zotalar, zerrendatik at gelditutako tontorra, 50 m inguru altuagoa, pagadiaren azpian Adiraino luzatzen den gandor luzearen erdian.
Zenbait mapatan Arzabal izenaz ageri da eta Buzoiak berak ere hala dio.