Legarmendi mendikatearen hego-ekialdeko ertzean kokatuta dago Leungana, eta mendikateko tontorrik altuena da. Olarreta lepoak banatzen du Eskuagatx eta Urkiolako natur parkeko gainontzeko mendiengandik. Antzeko altuera duen eta Artatzagan izeneko tontor biki bat du gertu, eta horren altua izan ez arren itzala egiten dion Mugarra ikusgarria zertxobait urrunago.
Mendikate guztian zehar bezala, kareharria da nagusi bai tontorrean, bai eta bere magal gehienetan ere, larreguneak ere badituen arren, ipar-mendebaldeko magalean batez ere.
Ikusmira ederra eskaintzen du Lenganako tontorrak, inguruan dauden zuhaixkek ez bait dute ia enbarazurik egiten.
Toki askotatik abia daiteke bertara igotzeko. Erabilienak agian Mañaria, Orozketa eta Baltzola dira.