Bertizko basoaren ekialdeko mugak osatzen dituzten gailurretako bat da Arregiko Kaskoa. Oronotz-Mugairitik abiatuz gero, parkearen txarrantxaren parean ibiliko gara hainbat zatitan, alde batean pagadi erraldoia eta bestean borda eta larreen paisaia baztandarra ditugula. Bidean ikusiko ditugun panorama ederrak ordea ez ditugu gailur harritsuan gozatuko, puntu horretan Bertizko pagoek txarrantxa zeharkatu eta bistak oztopatuko dizkigute.