Izko mendilerroak adar apalagoak luzatzen ditu ekialderantz. Santa Kruz gainak adar horietako azken gailurra da, Irati ibaiak Liedenanren parean zulatu duen arroil txikiaren gainean. Pentsatzekoa da izena antzinako ermita bati erreferentzia egitea, baina egun ez da haren arrastorik ikusten. Pinu eta mediterranear zuhaixka ugariek hegiak estaltzen badituzte ere, pistek arazo handirik gabe eramanen gaituzten gailurreraino.