Beire herritik ez oso urrun, kastro handi baten hondakinak topa daitezke, Turbil izeneko mendixkan. Garrantzi handiko hiria egon omen zen han, bertan topaturiko aztarnen arabera. Besteak beste, gerlari baten estatua harrigarria aurkitu zen, bi metrokoa, Nafarroan aurkitu den handiena eta zaharrena. Egun, estatua horren kopia bat topatuko dugu gailurretik hegoalderagoko gain batean.